Servicis web liures e respectuoses de vòstra privacitat
Se accedètz a nòstres servicis, aquò significa qu’acceptatz d’èsser ligat/ligada per totas las condicions çai jos. Doncas, abans de los utilizar, legissètz totas las clausulas. Se n’acceptatz pas totas, utilizatz pas nòstres servicis. Los servicis que demandan una inscripcion pòdon aver lors pròprias condicions e politica de confidencialitat.
Dins los Servicis que vos permeton d’afichar, de ligar e de metre a disposicion d’autres contenguts, nos daissatz lo drech e la licéncia d’afichar e distribuir vòstre contengut sus o via aquel Servici (incluent las aplicacions). Podèm formatar vòstre contengut per l’afichar dins l’ensemble del Servici, mas modificar o revisar pas lo fons del contengut. L’afichatge e la distribucion se fan segon las reglas de visibilitat que definissètz. Cambiarem pas la visibilitat que avètz causida.
Fòra nòstre drech limitat a vòstre contengut, conservatz totes vòstres drechs sus çò que publicatz, ligatz o metètz a disposicion via aqueles Servicis.
Sètz responsable del contengut que metètz a disposicion dins nòstres Servicis, inclusent sa legalitat, sa fisança e sa pertinéncia.
En cap de cas Hostux serà responsable envers vos o un tèrç per danhs especials, indirectes, accessòris, fortuïts, exemplars o consecutius de quina que siá natura, ligats a nòstres Servicis o contenguts provesits per eles.
Siatz excellents los uns amb los autres. Siatz polits e respectuoses amb totes. Totes son convidats a utilizar nòstres servicis. Ensajam de ne far un lòc segur, sens discriminacion d’edat, sèxe, classa, orientacion sexuala, aparéncia o distribucion linux.
Per i arribar, siam intolerants amb l’intolerància. Los contenguts toxics, los comportaments que van al delà de l’abús e l’assetjament son pas benvenguts. Podèm resiliar los comptes que respectan pas aquel Còde de conducha.
Reculhissèm d’informacions basicas sus vòstre compte e perfil que provesissètz directament (de còps facultativament) als Servicis, coma lo pseudonim, adreça electronica, nom (verai o inventat). Fòrça servicis demandan pas aquelas informacions.
Partatjam pas vòstras informacions amb de tèrças partidas. Las utilizam sonque per las foncionalitats de basa dels Servicis.
Enregistram pas d’informacions sus vòstra utilizacion dels Servicis. Avèm cap d’analisi ni jorns d’accès sul servidor.
Segon lo Servici, podètz exportar o suprimir vòstras donadas personalas. Aquò s’aplica pas als Servicis sens identificacion, mas podèm periodicament netejar los comptes inactius.
Se decidissèm de modificar nòstra politica de confidencialitat, las modificacions seràn afichadas sus aquesta pagina.